بھارت نے سیلاب کے حوالے سے مکمل تفصیلات فراہم نہیں کیں، پاکستان

ترجمان دفتر خارجہ نے کہا ہے کہ بھارت نے پاکستان کو سفارتی سطح پر سیلاب سے متعلق مکمل تفصیلات فراہم نہیں کیں، پاکستان نے واضح کیا ہے کہ افغان حکومت کو دہشت گردی کے معاملے کو سنجیدگی سے لینا ہو گا، وہاں دہشت گردوں کی محفوظ پناہ گاہیں ہیں، پاکستان اپنی سرزمین اور عوام کی حفاظت کرنا جانتا ہے۔ جمعہ کو ہفتہ وار بریفنگ کے دوران ترجمان دفتر خارجہ شفقت علی خان نے کہا کہ بھارت نے پاکستان کو سفارتی سطح پر سیلاب سے متعلق کچھ تفصیلات فراہم کیں تاہم دفتر خارجہ کو مکمل تفصیلات فراہم نہیں کی گئیں۔ شفقت علی خان نے کہا کہ افغان حکومت کو دہشت گردی کے معاملے کو سنجیدگی سے لینا ہو گا، وہاں دہشت گردوں کی محفوظ پناہ گاہیں موجود ہیں، پاکستان اپنی سرزمین اور عوام کی حفاظت کرنا جانتا ہے، پاکستان نے حال ہی میں اپنی سرزمین اور عوام کی حفاظت کے لیے سرحدی علاقوں میں دہشت گردوں کے خلاف آپریشن کیا۔ ترجمان دفتر خارجہ نے کہا کہ افغانستان اپنی سرزمین پاکستان کے خلاف استعمال کرنا بند کرے، جرمنی پاکستان میں افغان شہریوں کے معاملے کو جرمنی سنجیدگی سے لے۔ انہوں نے کہا کہ پاکستان میں افغان مہاجرین سے متعلق جرمن وزارت خارجہ کے بیان کو سنجیدگی سے لینا چاہیے۔ ہم نے دیکھا ہے کہ جرمنی جانے کے منتظر افغان شہریوں کو جلد از جلد پاکستان سے نکالا جائے، جرمنی افغان شہریوں کو جلد از جلد جرمنی بلائے۔ ترجمان دفتر خارجہ نے کہا کہ پاکستان خان یونس میں اسرائیل کی جانب سے حملوں کی شدید مذمت کرتا ہے، اسرائیل نے حملوں میں اسپتالوں اور صحافیوں کو نشانہ بنایا، اسرائیل انسانی حقوق کی مسلسل خلاف ورزیاں کر رہا ہے۔ شفقت علی خان نے کہا کہ وزیر اعظم شہباز شریف کا دورہ چین انتہائی کامیاب رہا۔ وزیر اعظم شہباز شریف نے چینی صدر کی دعوت پر چین کا دورہ کیا جہاں وزیر اعظم نے شنگھائی تعاون تنظیم کے اجلاس میں شرکت کی اور کئی اہم رہنماؤں سے ملاقاتیں کیں۔ وزیراعظم نے غزہ میں اسرائیلی جارحیت کی مذمت کی۔ ترجمان دفتر خارجہ کا کہنا تھا کہ وزیر اعظم شہباز شریف نے شنگھائی تعاون تنظیم میں افغانستان کے معاملے کو اجاگر کیا، وزیر اعظم نے افغانستان کے ساتھ دو طرفہ مذاکرات پر زور دیا۔ ترجمان کے مطابق وزیراعظم نے روس، آذربائیجان اور ایران کے صدور سے بھی ملاقات کی۔ ایرانی صدر سے ملاقات میں پاکستان نے ایران کے ساتھ برادرانہ تعلقات کے عزم کا اعادہ کیا۔ ترجمان دفتر خارجہ کے مطابق پاکستان اور روس کے درمیان تعلقات سمیت دیگر شعبوں میں پیش رفت پر زور ہے، وزیراعظم نے شنگھائی تعاون تنظیم کے وژن پر پاکستان کے عزم کا اعادہ کیا۔ وزیراعظم نے شنگھائی تعاون تنظیم میں علاقائی تعاون کو مضبوط بنانے پر زور دیا۔ وزیراعظم نے غزہ اور ایران میں اسرائیلی جارحیت کی مذمت کی۔