شارجہ: سہ ملکی سیریز کے فائنل میں شاہینز نے شاندار بولنگ کا مظاہرہ کرتے ہوئے افغانستان کو 75 رنز سے شکست دے دی۔142 رنز کے ہدف کے تعاقب میں افغانستان کی پوری ٹیم 16ویں اوور میں 66 رنز پر ڈھیر ہوگئی۔ کپتان راشد خان نے 17 اور صدیق اللہ اتل نے 13 رنز بنائے جبکہ دیگر کوئی کھلاڑی ڈبل فیگر میں بھی نہ پہنچ سکا۔پاکستانی باؤلر محمد نواز نے شاندار بولنگ کرتے ہوئے 5 کھلاڑیوں کو آؤٹ کیا، ابرار احمد اور سفیان مقیم نے 2، 2 جبکہ شاہین شاہ آفریدی نے ایک وکٹ حاصل کی۔اس سے قبل شارجہ کرکٹ اسٹیڈیم میں کھیلے گئے فائنل میچ میں پاکستان کرکٹ ٹیم کے کپتان سلمان علی آغا نے افغانستان کے خلاف ٹاس جیت کر پہلے بیٹنگ کا فیصلہ کیا۔ تاہم پاکستان نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 141 رنز بنائے۔پاکستان کی اننگز کا آغاز صاحبزادہ فرحان اور صائم ایوب نے کیا تاہم یہ نتیجہ خیز ثابت نہ ہوسکی اور اوپنر بلے باز صاحبزادہ فرحان بغیر کوئی رن بنائے پویلین لوٹ گئے جب کہ صائم ایوب 17 رنز بنانے کے بعد آؤٹ ہوگئے۔قومی ٹیم کی تیسری وکٹ 51 کے مجموعی سکور پر گری جب فخر زمان 27 رنز بنانے کے بعد آؤٹ ہوئے، حسن نواز 15، محمد حارث 2، سلمان علی آغا 24، محمد نواز 25 اور فہیم اشرف 15 رنز بنانے کے بعد پویلین لوٹ گئے۔
0%
Leave a Comment