پنجاب کے ریلیف کمشنر نبیل جاوید کا کہنا ہے کہ شدید سیلاب سے 4300 سے زائد دیہات متاثر ہوئے ہیں۔ایک بیان میں انہوں نے کہا کہ صوبے بھر میں سیلاب سے مجموعی طور پر 42 لاکھ 1 ہزار افراد متاثر ہوئے ہیں۔ سیلاب میں پھنسے 21 لاکھ 63 ہزار افراد کو محفوظ مقامات پر منتقل کر دیا گیا ہے۔نبیل جاوید کا کہنا ہے کہ مویشیوں کے علاج کے لیے 431 ویٹرنری کیمپ لگائے گئے ہیں، جب کہ 15 لاکھ 79 ہزار مویشیوں کو محفوظ مقامات پر منتقل کیا گیا ہے۔ان کا کہنا ہے کہ دریائے ستلج پر بھارتی بھاکڑا ڈیم 90 فیصد بھر چکا ہے۔ پونگ ڈیم 99 فیصد اور تھین ڈیم بھی 97 فیصد بھر چکا ہے۔صوبائی ریلیف کمشنر نے کہا کہ حالیہ سیلاب سے 60 شہری ہلاک ہو چکے ہیں۔
0%
Leave a Comment