عاطف اسلم یا علی ظفر، کرینہ کپور کس پاکستانی گلوکار کے ساتھ کام کرنا چاہتی ہیں؟

بالی ووڈ اداکارہ کرینہ کپور خان نے عالمی شہرت یافتہ پاکستانی گلوکارہ کے ساتھ کام کرنے کی خواہش کا اظہار کیا ہے۔کرینہ کپور نے حال ہی میں برمنگھم میں جیولری سٹور کے افتتاح کے موقع پر شرکت کی جہاں ان کی ایک جھلک دیکھنے کے لیے بھارتی اور پاکستانی شائقین کی بڑی تعداد موجود تھی۔کرینہ کپور سے پاکستانی گلوکار عاطف اسلم اور علی ظفر کے بارے میں پوچھا گیا کہ انہوں نے ان دو گلوکاروں میں سے کس کے ساتھ کام کیا ہے یا کرنا پسند کریں گی۔ جس پر بھارتی اداکارہ نے تھوڑا سوچا اور دو بڑے پاکستانی گلوکاروں میں سے ایک کا انتخاب کیا۔میزبان نے اداکارہ سے سوال کیا کہ کیا آپ نے مشہور ہونے سے پہلے کسی مشہور پاکستانی گلوکار کی میوزک ویڈیو میں کام کیا ہے؟ میزبان نے یہ بھی واضح کیا کہ یہ چیٹ جی پی ٹی کا تیار کردہ سوال تھا اور اس کا جواب کسی کو نہیں معلوم۔یہ سوال سن کر کرینہ بھی حیران رہ گئیں تاہم اداکارہ کا کہنا تھا کہ اگر وہ کسی پاکستانی اسٹار گلوکار کی میوزک ویڈیو میں نظر آتیں تو عاطف اسلم ہوتے۔برمنگھم کے اس ایونٹ کی کرینہ کپور کی مختلف ویڈیوز سوشل میڈیا پر وائرل ہو رہی ہیں۔