زمبابوے کے پاکستانی نژاد آل راؤنڈر سکندر رضا ون ڈے کرکٹ میں نمبر ون آل راؤنڈر بن گئے۔ تفصیلات کے مطابق انٹرنیشنل کرکٹ کونسل (آئی سی سی) نے نئی ون ڈے اور ٹی ٹوئنٹی رینکنگ جاری کر دی ہے۔سکندر رضا کو سری لنکا کے خلاف حالیہ ون ڈے سیریز میں شاندار کارکردگی کا صلہ ملا۔ انہوں نے افغانستان کے محمد نبی سے آل راؤنڈرز میں ٹاپ پوزیشن چھین لی۔سکندر رضا ون ڈے بیٹنگ رینکنگ میں 9 درجے بہتری کے ساتھ 22 ویں اور بولنگ رینکنگ میں ایک درجہ ترقی کر کے 38 ویں نمبر پر پہنچ گئے۔ون ڈے بیٹنگ رینکنگ میں بابر اعظم کی تیسری پوزیشن برقرار ہے۔ محمد رضوان ایک درجہ تنزلی کے ساتھ 26 ویں جبکہ فخر زمان ایک درجہ تنزلی کے ساتھ 27 ویں نمبر پر پہنچ گئے۔ٹی ٹوئنٹی بیٹنگ رینکنگ میں پاکستان کے بابر اعظم اور محمد رضوان تین درجے تنزلی سے بالترتیب 21ویں اور 22ویں نمبر پر آگئے ہیں۔حسن نواز دو درجے بہتری کے ساتھ 31 ویں جبکہ صائم ایوب دو درجے نیچے 40 ویں نمبر پر پہنچ گئے۔ٹی ٹوئنٹی بولنگ رینکنگ میں سفیان مقیم 11 درجے بہتری کے ساتھ 22 ویں اور شاہین آفریدی 8 درجے بہتری کے ساتھ 26 ویں جبکہ حارث رؤف 4 درجے تنزلی کے ساتھ 28 ویں نمبر پر پہنچ گئے۔
0%
Leave a Comment