کراچی: پاکستان اسٹاک مارکیٹ نے پہلی بار 156000 پوائنٹس کی حد عبور کرکے نئی تاریخ رقم کردی۔ کاروباری ہفتے کے پہلے روز کاروبار میں زبردست اضافہ ہوا۔ٹریڈنگ کے دوران پاکستان اسٹاک ایکسچینج کے ہنڈریڈ انڈیکس میں 1600 سے زائد پوائنٹس کا اضافہ ہوا، اسٹاک مارکیٹ کا ہنڈریڈ انڈیکس 156,080 پوائنٹس کی بلند ترین سطح پر پہنچ گیا۔سیمنٹ، کمرشل بینکوں، تیل اور گیس کی تلاش کرنے والی کمپنیوں، او ایم سی اور پاور جنریشن کمپنیوں سمیت اہم شعبوں میں خریداری کا رجحان دیکھا گیا۔حبکو، ماری، او جی ڈی سی، پی پی ایل، پی او ایل، ایس ایس جی سی، ایس این جی پی ایل، ڈی جی کے سی، لکی، ایچ بی ایل، ایم سی بی اور میزان بینک جیسے اہم ویٹیج والے حصص مثبت زون میں ٹریڈ کر رہے تھے۔واضح رہے کہ گزشتہ کاروباری ہفتے کے آخری روز پاکستان اسٹاک ایکسچینج کا 100 انڈیکس ایک ہزار 611 پوائنٹس کے اضافے سے 154,277 پوائنٹس کی بلند ترین سطح پر بند ہوا تھا۔دوسری جانب انٹربینک مارکیٹ میں ڈالر کی قدر میں مزید 10 پیسے کی کمی ہوئی، امریکی کرنسی 281.65 روپے سے کم ہوکر 281.55 روپے پر پہنچ گئی۔
0%
Leave a Comment