شہباز شریف اور پیوٹن کی ملاقات، دوطرفہ تعلقات کو فروغ دینے کا عزم

وزیر اعظم شہباز شریف اور روسی صدر کی بیجنگ میں ملاقات، ولادی میر پیوٹن کا سیلاب سے ہونے والے نقصانات پر اظہار افسوس۔وزیر اعظم شہباز نے تیانجن میں شنگھائی تعاون تنظیم (ایس سی او) کے سربراہی اجلاس کے بعد بیجنگ میں روسی صدر ولادی میر پیوٹن سے ملاقات کی، ملاقات میں نائب وزیر اعظم اسحاق ڈار اور فیلڈ مارشل سید عاصم منیر نے بھی شرکت کی۔شہباز شریف اور ولادی میر پیوٹن نے گرمجوشی سے مصافحہ کیا، ولادی میر پیوٹن نے کہا کہ پاکستان کے ساتھ بہترین تعلقات ہیں، روسی صدر نے مزید کہا کہ پاکستان کو اس وقت قدرتی آفات کا سامنا ہے۔ولادی میر پیوٹن نے مزید کہا کہ پاکستان میں سیلاب سے ہونے والے نقصانات پر افسوس ہے، انہوں نے کہا کہ پاک روس تعلقات کو مزید فروغ دینا چاہتے ہیں۔وزیراعظم شہباز شریف نے کہا کہ پاک روس تعلقات وقت کے ساتھ مضبوط ہو رہے ہیں، پاکستان خطے میں امن، ترقی اور خوشحالی کا فروغ چاہتا ہے۔وزیر اعظم شہباز شریف نے روس کے ساتھ بہتر تعلقات کی خواہش کا اظہار کرتے ہوئے کہا کہ روس کے ساتھ تعلقات کو فروغ دینا چاہتے ہیں۔ملاقات میں روسی صدر نے شہباز شریف کو ماسکو میں ایس سی او سربراہ اجلاس میں شرکت کی دعوت دی۔