پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ بانی پی ٹی آئی کے خاندان اور بشریٰ بی بی کے خاندان کے کوئی سیاسی مقاصد نہیں ہیں۔راولپنڈی میں اڈیالہ جیل کے باہر میڈیا سے گفتگو کرتے ہوئے انہوں نے کہا کہ تحریک انصاف کسی قسم کے تشدد پر یقین نہیں رکھتی۔بیرسٹر گوہر کا کہنا ہے کہ ایک دوسرے سے اختلافات پر بات چیت سے تشدد نہیں ہونا چاہیے، ہم کسی بھی حالت میں کسی کو تشدد پر اکسانے نہیں دیتے۔انہوں نے کہا کہ علیمہ خان پر انڈے پھینکنے اور صحافیوں پر تشدد کے واقعے کی پارٹی سطح پر انکوائری کرائی جائے گی۔انہوں نے کہا کہ علی امین گنڈا پور نے افغان حکومت سے ضرور بات کی ہوگی، ان کا پاسپورٹ 3 سال سے بلاک ہے۔
0%
Leave a Comment