بھارت نے دریائے ستلج میں مزید پانی چھوڑ دیا، ایمرجنسی الرٹ جاری

بھارت کی آبی جارحیت اور سندھ طاس معاہدے کی خلاف ورزی جاری ہے۔ دریائے ستلج میں مزید پانی چھوڑ دیا گیا۔ وزارت آبی وسائل نے نقصانات سے بچنے کے لیے ہنگامی الرٹ جاری کر دیا۔وزارت آبی وسائل کے مطابق بھارت نے پاکستان کو سفارتی ذرائع سے آگاہ کیا، بھارت کو مقامات پر اونچے درجے کے سیلاب سے آگاہ کیا گیا۔ ہریکے اور فیروز پور میں انتہائی اونچے درجے کے سیلاب کا خطرہ ہے۔صورتحال کے پیش نظر پی ڈی ایم اے پنجاب نے دریائے ستلج میں اونچے درجے کے سیلاب سے متعلق الرٹ جاری کر دیا، دریائے ستلج میں پانی کا بہاؤ مزید بڑھے گا۔دریائے ستلج میں ہریکے اور فیروز پور کے ڈاون اسٹریم میں اونچے درجے کے سیلاب کا خطرہ ہے۔ سول انتظامیہ، پاک فوج اور دیگر متعلقہ محکمے الرٹ ہیں، ڈی جی پی پی ڈی ایم اے کا کہنا ہے کہ شہریوں کے جان و مال کے تحفظ کو یقینی بنایا جائے۔دوسری جانب ریلیف کمشنر پنجاب کے مطابق شدید سیلابی صورتحال کے باعث 4 ہزار 300 سے زائد دیہات متاثر ہوئے، دریاؤں میں طغیانی کی صورتحال کے باعث مجموعی طور پر 42 لاکھ افراد متاثر ہوئے، سیلاب میں پھنسے 2.163 ملین افراد کو محفوظ مقامات پر منتقل کیا گیا۔