پشاور: خیبرپختونخوا کے وزیر اعلیٰ علی امین گنڈا پور نے کہا ہے کہ پاکستان تحریک انصاف کے بانی عمران خان اور اسٹیبلشمنٹ کے درمیان پیدا ہونے والے مسائل عمران خان کو خود حل کرنے ہیں، میرے پاس اس حوالے سے کوئی اختیار نہیں۔ پشاور میں میڈیا سے گفتگو کرتے ہوئے وزیراعلیٰ خیبرپختونخوا علی امین گنڈا پور نے کہا ہے کہ عمران خان کی رہائی کی راہ میں دو بڑی رکاوٹیں ہیں، پہلی رکاوٹ ملک میں آئین اور قانون کا نفاذ نہیں ہے۔ انہوں نے کہا ہے کہ قانون موثر ہو گیا تو خان صاحب کو فوری رہا کیا جا سکتا ہے، دوسری رکاوٹ اسٹیبلشمنٹ کے ساتھ جاری مسئلہ ہے، جسے خان صاحب نے خود حل کرنا ہے، ان کے پاس اس معاملے میں کوئی اختیار نہیں۔ علی امین گنڈا پور کا مزید کہنا تھا کہ عمران خان قوم کی جنگ لڑ رہے ہیں اور موجودہ حالات سب کے سامنے ہیں، ہم اپنے نظریے کے ساتھ کھڑے ہیں اور جب تک ہم اپنے مقصد کے حصول تک جدوجہد جاری رکھیں گے۔
0%
Leave a Comment