لاہور: انسداد دہشت گردی کی عدالت نے سابق وزیر خزانہ کی صاحبزادی خدیجہ شاہ کے 9 مئی کے دو مقدمات میں وارنٹ گرفتاری جاری کردیے۔عدالت نے ٹرائل کے لیے پیش نہ ہونے پر جناح ہاؤس اور عسکری ٹاور حملہ کیس میں خدیجہ شاہ کے وارنٹ گرفتاری جاری کردیے۔ عدالت نے مقدمات میں غیر حاضر ہونے والے 8 ملزمان کے وارنٹ گرفتاری جاری کیے جن میں عمران، فائزہ عظمت، عثمان، احمد مرسلین، حمزہ سہیل اور محمد خالد شامل ہیں۔عدالت نے دو ملزمان عبدالرزاق اور صفدر کو مفرور قرار دینے کے لیے کارروائی شروع کرنے کا حکم دے دیا۔ملزمان عبدالرزاق اور ملزم صفدر جناح ہاؤس حملہ کیس میں نامزد ہیں، وارنٹ گرفتاری جاری ہونے پر دونوں ملزمان پیش نہیں ہوئے۔
0%
Leave a Comment