خیبرپختونخوا میں سکیورٹی فورسز کی مختلف کارروائیوں میں فتنہ الخوارج کے 19 دہشت گرد مارے گئے۔پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خیبرپختونخوا میں فتنہ الخوارج کے خلاف 3 مختلف کارروائیوں میں 9 دہشت گردوں کو ہلاک کردیا۔پاک فوج کے ترجمان کے مطابق سیکیورٹی فورسز نے مہمند میں خوارج کی موجودگی کی اطلاع پر آپریشن کیا۔ آپریشن کے دوران فتنہ الہندستان کے 14 خوارج مارے گئے۔شمالی وزیرستان کے علاقے دتہ خیل میں سیکیورٹی فورسز کی انٹیلی جنس بنیاد پر کی گئی کارروائی میں فائرنگ کے تبادلے میں 4 خوارج مارے گئے جب کہ بنوں میں سیکیورٹی فورسز کے ساتھ مقابلے کے دوران ایک خوارج مارا گیا۔آئی ایس پی آر کے مطابق بھارتی حمایت یافتہ دہشت گردوں سے اسلحہ اور گولہ بارود برآمد ہوا ہے۔ مقتول خوارج علاقے میں دہشت گردی کی متعدد کارروائیوں میں ملوث تھے۔ ترجمان پاک فوج کے مطابق پاکستان بھارت کی سرپرستی میں ہونے والی دہشت گردی کی لعنت کو پاکستان سے ختم کرنے کے لیے پرعزم ہے۔
0%
Leave a Comment