کراچی کے مضافات اور چند مقامات پر آج دوپہریا شام میں بارش کا امکان

کراچی کے علاقے سپرہائی وے اور  اطراف کے علاقوں میں بارش کا سلسلہ شروع ہوگیا ہے۔

موسمیاتی تجزیہ کار کے مطابق کراچی کے شمال مشرقی حصے میں گرج چمک کے ساتھ بارش برسانے والے بادل موجود ہیں۔

محکمہ موسمیات کے مطابق آئندہ 24 گھنٹوں کے دوران شہر کا موسم گرم اور مرطوب رہنےکا امکان ہے، اس دوران درجہ حرارت 36 سے 38 ڈگری سینٹی تک رہے گا۔

محکمہ موسمیات کا کہنا ہے کہ کراچی کے مضافات اور  چند مقامات پر آج  دوپہریاشام میں بارش کا امکان ہے۔

موسمیاتی ادارے کا کہنا ہےکہ کراچی کے مضافات سمیت شہرکےچند مقامات پر آج بارش کا امکان ہے، کہیں ہلکی اورکہیں معتدل شدت کی بارش ہوسکتی ہے۔

نجی موسمیاتی ادارے کے مطابق آج سے جمعہ کی رات کے دوران تھرپارکر، عمرکوٹ، مٹھی اور دیگر علاقوں میں بارش کے امکانات زیادہ ہیں، اس کے علاوہ سکھر،لاڑکانہ، جیکب آباد، نوشہروفیروز، دادو،  حیدرآباد، ٹھٹھہ اور بدین میں بارش کے معمولی امکانات ہیں۔