آئی سی سی ٹی ٹوئنٹی ورلڈ کپ میں شرکت کےلیے پاکستان کرکٹ ٹیم لندن سے امریکا کیلئے روانہ ہوگئی۔
پاکستان کرکٹ ٹیم کا دورہ یورپ مکمل ہوگیا، آئرلینڈ اور انگلینڈ کے خلاف ٹی ٹوئنٹی میچز کی سیریز کھیلنے کے بعد قومی ٹیم کی اگلی منزل امریکا ہے جہاں ٹی ٹوئنٹی ورلڈ کپ کے گروپ میچز کھیلنے پاکستان ٹیم لندن سے روانہ ہو گئی۔
پاکستان کرکٹ ٹیم ڈیلاس پہنچے گی، جہاں آئی سی سی ٹی ٹوئنٹی ورلڈ کپ کے گروپ اے میں پاکستان کا پہلا میچ 6 جون کو میزبان امریکا سے ڈیلاس میں ہی ہو گا۔
واضح رہے کہ آئی سی سی ٹی ٹوئنٹی ورلڈکپ کا انعقاد امریکا اور ویسٹ انڈیز میں ہورہا ہے، ایونٹ یکم جون سے شروع ہوگا۔
پاکستان نے دورہ یورپ میں آئرلینڈ کے خلاف ٹی ٹوئنٹی سیریز جیتی جبکہ گرین شرٹس کو انگلینڈ نے 4 میچز کی سیریز میں 2 صفر سے شکست دی۔
Leave a Comment