عید الفطرکے موقع پر ملک بھر میں سیر و تفریح کے دوران مختلف حادثات میں متعدد افراد جاں بحق ہوئے اور کئی زخمی ہوگئے۔
فیصل آباد کے علاقے سمندری میں تیز رفتار کار بے قابو ہو کر مخالف سمت سے آنے والے وین سے ٹکرا گئی۔ حادثے میں کار سوار میاں بیوی اور دو بچے جاں بحق ہوگئے اور وین میں سوار 18 افراد زخمی ہوئے۔
ٹانک میں ایک دوسرے پر پٹاخے پھینکنے کے مذاق کے دوران ایک بچےکےکپڑوں میں آگ لگ گئی جس سے 8 سال کا بچہ جھلس کر جاں بحق ہوگیا۔
ضلع چارسدہ میں دریائے سوات اور دریائےکابل میں 6 بچےڈوب گئےجن میں سے 2 بچوں کو بچا لیا گیا جبکہ صوابی میں کنڈپارک کے مقام پر دریائے سندھ میں سیاحوں کی کشتی ڈوب گئی، 9 میں سے 8 افراد کو نکال لیاگیا۔
کوہاٹ میں غور زنڈی ڈیم میں سیر پر آئے ہوئے دو نوجوان ڈوب کر جاں بحق ہو گئے۔
ڈیرہ اسماعیل خان میں موٹرسائیکل پرسوارایک ہی خاندان کےچار افراد نہر میں گرگئے۔ حادثے میں باپ جاں بحق ہوگیا جبکہ بیوی اور دو بچیوں کو بچا لیاگیا۔
منڈی بہاؤالدین میں عید منانے پارک میں آئے شہریوں پر شہد کی مکھی نے حملہ کردیا،جس میں متعدد افراد زخمی ہوگئے۔
Leave a Comment