نوٹنگھم (رپورٹر)ڈپٹی سیکرٹری جنرل پاکستان پیپلزپارٹی یوکے راجہ جاوید اقبال نے نے آصف علی زرداری کو دوسری بار صدر اسلامی جمہوریہ پاکستان منتخب ہونے پر مبارکباد پیش کی،راجہ جاوید اقبال نے کہا کہ صدر آصف علی زرداری نے ملکی استحکام کو ہمیشہ مقدم رکھا، آصف علی زرداری ملک کو خوشحالی کی جانب گامزن کریں گے، صدر آصف علی زرداری کی واضح برتری،جمہوریت کی جیت ہے۔انھوں نے کہا کہ پاکستان کھپے‘ کا نعرہ لگانے والی شخصیت کا صدر منتخب ہونا پاکستان کیلئے اچھی خبر ہے۔
انھوں نے آصف علی زرداری کے لئے نیک تمناؤں کا اظہار کیا اور کہا کہ تمام جماعتوں کو ساتھ لے کر چلنا صرف آصف علی زرداری کر سکتے ہیں جبھی دوسری بار صدر مملکت منتخب ہوئے ہیں،انھوں نے مزید کہا کہ آج کا دن پاکستان پیپلز پارٹی کیلئے بڑی خوشی کا دن ہے آصف علی زرداری کی کامیابی پارلیمان کے لئے ہوا کا جھونکا ہے پاکستان میں جمہوریت کا نیا دور شروع ہو گیا ہے صدر آصف علی زرداری مفاہمت کی سیاست کر کے ملک کو بحران سے نکالیں گے۔
ان کا کہنا تھا کہ آصف علی زرداری سب پہ بھاری کا نعرہ سچ ثابت ہوا ہے،پاکستان پیپلز پارٹی دوسری جماعتوں کو ساتھ لے کرچلنے کا فن جانتی ہے ان شاء اللہ اب ملک کے اندر حقیقی معنوں میں جمہوریت قائم ہو گی اور پاکستان پیپلزپارٹی تمام تر عوامی مسائل کو حل کرے گی
Leave a Comment