صدراتی الیکشن، آصف زرداری نے ایم کیو ایم سے ووٹ مانگ لیے

ٹیلی فونک رابطے میں خالد مقبول صدیقی نے مشاورت کے بعد جلد جواب دینے کی یقین دہانی کرادی

اسلام آباد (رپو ر ٹر) صدراتی الیکشن میں حکومتی اتحاد کے امیدوار آصف علی زرداری نے متحدہ قومی موومنٹ پاکستان سے ووٹ مانگ لیے۔ پاکستان پیپلزپارٹی پارٹی کے شریک چیئرمین اور نامزد صدارتی امیدوار آصف علی زرداری نے ایم کیو ایم پاکستان کے سربراہ خالد مقبول سے ٹیلی فونک رابطہ کیا ہے، اس دوران دونوں رہنماؤں کے درمیان صدارتی الیکشن، ملکی سیاسی صورتِ حال اور سندھ کے معاملات پر بات چیت ہوئی۔

ذرائع کا کہنا ہے کہ حکومتی اتحاد کے نامزد صدارتی امیدوار آصف علی زرداری نے ایم کیو ایم سے ووٹ کی درخواست کی، جس پر خالد مقبول صدیقی نے یقین دہانی کرواتے ہوئے کہا کہ مشاورت کے بعد جلد جواب دیں گے۔ پیپلزپارٹی اور ھکومتی اتحادی جماعتوں کے صدارتی امیدوار آصف علی زرداری کے کاغذات نامزدگی منظور ہوچکے ہیں،

پاکستان پیپلزپارٹی کے رہنماء فاروق ایچ نائیک نے بتایا کہ آصف علی زرداری کے کاغذات نامزدگی پر کوئی اعتراض عائد نہیں کیا گیا، ہمارے پاس نمبر پورے ہیں اور آصف زرداری دوسری مرتبہ صدر منتخب ہوں گے۔