پشاورہائیکورٹ نے شوکت یوسفزئی کی عمرہ ادائیگی کی درخواست غیر موثر ہونے پر نمٹا دی

شریف اور مریم نواز سیٹیں جیت نہیں سکتے، یہ سیٹیں زبردستی لی گئی ہیں،سابق وزیر کی میڈیا سے گفتگو

پشاور (کو ر ٹ رپو رٹر )پشاورہائی کورٹ نے پاکستان تحرین انصاف کے رہنما شوکت یوسفزئی کی عمرہ ادائیگی کی اجازت کے لیے دائر درخواست غیر موثر ہونے پر نمٹا دی ہے۔ جسٹس شکیل احمد اور جسٹس صاحبزادہ اسد اللہ نے مقدمے کی سماعت کی۔دوران سماعت سکندر شاہ ایڈووکیٹ نے عدالت کو بتایا کہ یہ درخواست اب غیر مثر ہوچکا ہے، عمرہ پیکج کا وقت اب ختم ہوچکا ہے۔بعد ازاں عدالت نے درخواست کو غیر موثر ہونے کی بنیاد پر نمٹادیا۔سماعت کے بعد میڈیا سے گفتگو کرتے ہوئے شوکت یوسفزئی نے بتایا کہ میرا نام اسٹاپ لسٹ میں ڈالا دیا گیا ہے، اسٹاپ لسٹ میں نام ڈالنے کے خلاف نیا کیس کررہا ہوں۔

انہوںنے کہاکہ میں عمرے ادا کرنے جارہا تھا لیکن مجھے اسٹاپ لسٹ میں ڈال دیا گیا، میں باہر نہیں جانا چاہتا صرف عمرے پر جا رہا تھا۔انہوں نے کہا کہ ہماری مخصوص نشستوں کے لیے کاوشیں جاری ہے، ساری سیاسی جماعتیں کہتی ہیں کہ دھاندلی ہوئی ہے۔انہوں نے بتایا کہ نواز شریف اور مریم نواز سیٹیں جیت نہیں سکتے، یہ سیٹیں زبردستی لی گئی ہیں، جن کو زبردستی حکومت میں دھکیلا جارہا ہے ان کو کچھ سمجھ نہیں آرہا ہے۔

شوکت یوسفزئی نے کہا کہ نواز شریف ناراض ہیں کہ وہ دو تہائی اکثریت سے نہیں آئے اس لیے شہباز شریف کو آگے کیا گیا ہے، پیپلز پارٹی اور مسلم لیگ (ن)کا عہدوں پر اختلاف ہے۔انہوں نے بتایا کہ پی ٹی آئی ورکرز کو آگے لائی ہے، ہمارا حکومت سازی کا عمل مکمل ہو گیا ہے، اسے جلد سامنے لائیں گے۔شوکت یوسفزئی نے سوال اٹھایا کہ صحت کارڈ بند کر کے مخالفین نے خزانہ کو کیا دیا؟ ہم صحت کارڈ ہم دوبارہ بحال کریں گے، وفاق سے اپنا حق مانگ رہے ہیں اور اسے لیں گے۔