افتتاحی تقریب میں گلوکار علی ظفر، آئمہ بیگ، عارف لوہار اور نوری پرفارم کریں گے
لاہور(سپو رٹس رپو رٹر )پاکستان سپر لیگ (پی ایس ایل) 9 کی رنگا رنگ افتتاحی تقریب ہفتے کو قذافی اسٹیڈیم لاہور میں ہوگی جس میں خوب دھوم دھڑکا ہوگا، میوزک کی جھنکار بھی ہوگی، ملک کے مشہور و معروف فنکار اپنے فن کا جادو جگائیں گے جبکہ آتش بازی سے آسمان پر رنگ بکھیرے جائیں گے۔
پی ایس ایل 9 کا آغاز ہفتہ کی شب لاہور میں ہوگا لیکن ٹیموں میں مقابلوں سے پہلے قذافی اسٹیڈیم میں ہوگیمیوزک کی جھنکار جس میں ملک کے مشہور و معروف فنکار اپنے فن کا جادو جگائیں گے اور شائقین کا جوش بڑھائیں گے۔تقریب کے اختتام پر آتش بازی کا شاندار مظاہرہ بھی کیا جائے گا جبکہ لیزر شو کے ذریعے آسمان پر روشنی بکھیری جائے گی۔
افتتاحی تقریب میں گلوکار علی ظفر، آئمہ بیگ، عارف لوہار اور نوری پرفارم کریں گے۔ افتتاحی تقریب کے بعد ایونٹ کے پہلے میچ میں دفاعی چیمپئن لاہور قلندرز اور اسلام آباد یونائیٹڈ کے درمیان مقابلہ ہوگا۔
Leave a Comment