پاکستان میں انتخابی عمل پاکستان کا اندرونی معاملہ ہے،ترجمان دفتر خارجہ

ہم نے غیر ملکی مبصرین اور دولت مشترکہ مبصرین کا خیر مقدم کیا ہے،ہم اپنی آئینی ذمہ داریاں بھرپور انداز میں نبھاتے ہیں،ممتاز زہرا بلوچ
مقبوضہ جموں و کشمیر میں سیاسی رہنمائوں کو نشانہ بنایا جا رہا ہے ،پاکستان مسئلہ کشمیر کا حل کشمیریوں کی خواہشات اور اقوام متحدہ قراردادوں کے مطابق چاہتا ہے،ہفتہ وار پریس بریفنگ

اسلام آبا د(رپو رٹر)پاکستان میں انتخابی عمل پاکستان کا اندرونی معاملہ ہے،ہم نے غیر ملکی مبصرین اور دولت مشترکہ مبصرین کا خیر مقدم کیا ہے،ہم اپنی آئینی ذمہ داریاں بھرپور انداز میں نبھاتے ہیں، مقبوضہ جموں و کشمیر میں سیاسی رہنماوں کو نشانہ بنایا جا رہا ہے ،پاکستان مسئلہ کشمیر کا حل کشمیریوں کی خواہشات اور اقوام متحدہ قراردادوں کے مطابق چاہتا ہے۔ہفتہ وار پریس بریفنگ دیتے ہوئے ترجمان دفتر خارجہ ممتاز زہرا بلوچ نے کہا کہ پاکستان اور جمہوریہ ڈومینکا کے مابین سفارتی تعلقات قائم کیے گئے،او آئی سی کی جانب سے غزہ پر اسرائیلی جارحیت کے خلاف بیان کی حمایت کرتے ہیں،اسرائیل کی جانب سے رفح پر حملے عالمی عدالت انصاف کے فیصلے کی خلاف ورزی ہیں،

پاکستان غزہ میں فوری جنگ بندی کا مطالبہ کرتا ہے،پاکستان اقوام متحدہ کے چارٹر پر عملدرآمد اور فلسطینیوں کے قتل عام کو روکنے کا مطالبہ کرتا ہے،بھارتی این ایس اے ایجنسی نے 10 فروری کو جماعت اسلامی مقبوضہ کشمیر کے دفاتر پر ملک بھر میں چھاپے مارے،ہم اس کی بھرپور مذمت کرتے ہیں،مقبوضہ جموں و کشمیر میں سیاسی رہنماوں کو نشانہ بنایا جا رہا ہے ،پاکستان مسئلہ کشمیر کا حل کشمیریوں کی خواہشات اور اقوام متحدہ قراردادوں کے مطابق چاہتا ہے۔

انہوںنے کہا کہ پاکستان اور روس کے مابین اسٹریٹجک استحکام پر مشاورتی گروپ کا 14واں دور 7 فروری کو ہوا،پاکستان کو خطے میں دہشت گرد عناصر کے سر اٹھانے پر تحفظات ہیں،ہم افغان انتظامیہ سے پاکستان کے خلاف سرگرم دہشت گرد گروہوں و عناصر کے خلاف کاروائی کا مطالبہ کر چکے ہیں،پاکستان میں انتخابی عمل پاکستان کا اندرونی معاملہ ہے،ہم نے غیر ملکی مبصرین اور دولت مشترکہ مبصرین کا خیر مقدم کیا ہے،ہم اپنی آئینی ذمہ داریاں بھرپور انداز میں نبھاتے ہیں۔ترجمان نے کہا کہ دولت مشترکہ کی رپورٹ نے پاکستانی انتخابات میں شفافیت کی بات کی،ہم نے مقبوضہ کشمیر کے آئی ایم ایف سے موازنے کی رپورٹس دیکھی ہیں،

بھارت کشمیر میں پیسے پھینک کر اپنی حیثیت کو آئینی نہیں بنا سکتا ،ماضی میں بھارت پاکستان میں ماورائے عدالت و ماورائے جغرافیہ قتل عام میں ملوث رہا ہے،قطر میں سزا پانے والے بھارتی بحریہ کے ریٹائرڈ افسران تھے ،پاکستان میں بھی بھارتی بحریہ کا افسر کلبھوشن یادیو پکڑا گیا تھا ،بھارتی وزیر اعطم نریندر مودی کو نئی حکومت کی حلف برداری کی تقریب میں دعوت دینے کا معاملہ قبل از وقت معاملہ ہے،اس حوالے سے فیصلہ نئی آنے والی حکومت کرے گی،ہمیں جیسی ہدایات ہوں گی ہم اس پر عمل کریں گے،پاکستانی دفتر خارجہ اعلی عدلیہ کا احترام کرتا ہے،اعلی عدلیہ کی جانب سے کسی بھی ہدایت کا احترام کریں گے،پاکستان اور افغانستان دوست و ہمسایہ ممالک ہیں، قریبی برادرانہ تعلقات ہیں،تاہم ان تعلقات میں متعدد معاملات پر تحفظات ہیں،

یہ تحفظات افغانستان میں دہشت گردوں کی محفوظ پناہ گاہوں پر ہیں،پاکستان نے بارہا کہا ہے کہ جب بھی دہشت گرد افراد و تنظیموں کے بارے میں مصدقہ اطلاعات ہوں گی کاروائی کریں گے،نہیں جانتے اسامہ بن لادن کے قتل سے تین سال قبل امریکہ کے معلومات کی فراہمی کا کونڈالیزا رائس کا دعوی کس حد تک درست ہے، ترجمان دفتر خارجہ نے کہا کہ ہمیں امریکی دعوی کے مطابق ہونے والے نجی رابطے یا ملاقات کا علم نہیں ہے،

ہاکستان میں ماورائے عدالت و جغرافیہ قتل عام میں ملوث بھارتی ایجنٹوں کے حوالے سے متعلقہ ممالک سے رابطے میں ہیں،پاکستان اور بھارت کے درمیان تعلقات کی نوعیت ہمیشہ پیچیدہ رہی ہے،پاکستان بھارت سمیت تمام ممالک سے بہتر تعلقات چاہتا ہے،مقبوضہ کشمیر میں دس لاکھ سے زائد بھارتی مسلح افواج موجود ہیں جس پر تحفظات ہیں ،ہم نے بارہا اقوام متحدہ کی نگرانی میں کشمیر میں استصواب رائے کا مطالبہ کیا ہے،بھارتی سپریم کورٹ کی جانب سےمقبوضہ کشمیر میں غیر قانونی بھارتی اقدامات کو قانونی بنانے کی کوئی حیثیت نہیں ہے،ہم نے یاسین ملک پر غیر قانونی مقدمات اور بھارتی عدالتوں کی جانب سے سزائے موت کو مسترد کیا ہے۔#