طوبی انور اتنی ہی معصوم ہیں جتنی وہ دکھائی دیتی ہیں‘ شائستہ لودھی

کراچی (شو بزرپو رٹر) معروف اداکارہ و میزبان شائستہ لودھی ساتھی اداکارہ طوبی انور کی حمایت میں سامنے آگئیں۔حال ہی میں ڈاکٹر شائستہ لودھی نے پوڈ کاسٹ میں بطور مہمان شرکت کی اور مختلف امور پر کھل کر گفتگو کی۔انہوں نے اپنے پوڈکاسٹ میں طوبی انور سے کئے گئے انٹرویو کے باعث ہونے والی تنقید پر ان کا دفاع کیا اور اپنی رائے پیش کی۔

میزبان کے سوال پر شائستہ لودھی نے جواب دیا کہ میں نے طوبی کومعصوم دکھانے کی کوشش نہیں کی بلکہ وہ معصوم ہیں، وہ جیسی ہیں میں نے ویسا ہی انہیں دکھایا، میں ان کے والدین کو بھی جانتی ہوں، وہ ایسے ہی ہیں۔انہوں نے کہا کہ یہ ہمارے معاشرے کا مسئلہ ہے کہ اگر کوئی جائز کام کرے تو بھی اسے تنقید کا نشانہ بناتے ہیں۔انہوں نے مزید کہا کہ جب کسی کے بارے میں کوئی رائے قائم ہوجاتی ہے تو اسے بدلنا بہت مشکل ہوتا ہے۔