دھرمیندر کا احسن خان کے نام نیک خواہشات کا پیغام

ممبئی (شو بز رپو رٹر) بھارتی لیجنڈری اداکار دھرمیندر کا پاکستانی اداکار و میزبان احسن خان کے نام نیک خواہشات سے بھرپور پیغام سوشل میڈیا صارفین کو بھا گیا۔فوٹو اینڈ ویڈیو شیئرنگ پلیٹ فارم انسٹاگرام پر پاکستانی اداکار نے بھارتی لیجنڈری اداکار کا ایک ویڈیو پیغام شیئر کیا ہے۔

اس مختصر ویڈیو پیغام میں دھرمیندر احسن خان کی تعریفیں کرتے ہوئے ان کے لیے نیک خواہشات کا اظہار کر رہے ہیں اور پاکستانیوں کو اپنا بھی کہہ رہے ہیں۔بھارتی لیجنڈری اداکار اس ویڈیو پیغام میں مزید کہہ رہے ہیں کہ آپ سب میرے اپنے ہیں، آپ کو کبھی غیر نہیں سمجھا، آرٹسٹ بیشتر جذباتی ہوتے ہیں۔

ویڈیو پیغام کے آخر میں دھرمیندر نے ناصرف اداکار بلکہ ان کے اہل خانہ اور دوستوں کے لیے بھی نیک تمنائوں کا اظہار کیا۔دھرمیندر کی جانب سے تعریفی پیغام موصول ہونے پر احسن خان بھی ان کے مشکور ہیں۔