میئر کراچی کا انتخابی نتائج میں تاخیرپر تشویش کا اظہار

39 میں سے 37 نشستوں پر پیپلز پارٹی کے امیدوار کامیاب ہوچکے ہیں،مرتضی وہاب

کراچی(رپو ر ٹر)میئر کراچی مرتضی وہاب نے انتخابی نتائج میں تاخیرپر تشویش کا اظہار کیا ہے۔خصوصی گفتگوکرتے ہوئے میئر کراچی مرتضی وہاب نے کہا کہ 39 میں سے 37 نشستوں پر پیپلز پارٹی کے امیدوار کامیاب ہوچکے ہیں۔مرتضی وہاب نے کہا کہ ایم کیو ایم رہنمائوں نے 18 نشستیں جیتنے کا دعوی کیا ہے ،

ہم نتائج کے منتظر ہیں۔انہوں نے کہاکہ مصطفی کمال نے کہا ہم 18 نشستیں جیت چکے ہیں ، فاروق ستار نے کہا کہ فارم 45 کا انتظار کررہے ہیں،ایم کیو ایم کے رہنمائوں کے بیانات میں فرق ہے، بیانات حقیقت کے برعکس ہیں۔میئر کراچی نے کہا ہر سیاسی جماعت کو حق حاصل ہے کہ وہ حکومت بنائے۔مرتضی وہاب نے کہا کہ ہم نے سندھ کے لیے کام کیاہے، سندھ کے تمام ڈویژنز میں پیپلز پارٹی نے پرفارم کیا۔