کراچی والوں کے پاس ترازو کے علاوہ کوئی آپشن نہیں: حافظ نعیم

پیپلزپارٹی اور ایم کیو ایم انتخابی سروے میں زیرو ہیں، بلاول بھٹو پنجاب میں جا کر تقریریں کر رہے ہیں

کراچی(رپو رٹر ) امیر جماعت اسلامی کراچی حافظ نعیم الرحمان نے کہا ہے کہ کراچی والوں کے پاس ترازو کے علاوہ کوئی آپشن نہیں۔پیپلزپارٹی اور ایم کیو ایم انتخابی سروے میں زیرو ہیں، بلاول بھٹو پنجاب میں جا کر تقریریں کر رہے ہیں۔ یہ جماعتیں 35 سال سے مسلط ہیں ان کو عوام مسترد کر دیں، ان پارٹیوں نے پہلے بھی نعشوں پر سیاست کی، عوامی سطح پر یہ لوگ ناکام ہو چکے ہیں، یہ چاہتے ہیں لوگ ووٹ دینے نہ جائیں، الیکشن کمیشن کو نوٹس لینا چاہیے۔

کراچی میں پریس کانفرنس کرتے ہوئے حافظ نعیم الرحمان کا کہنا تھا کہ ڈسٹرکٹ سینٹرل میں جماعت اسلامی نے کلین سوئپ کیا، اورنگی ٹان میں بھی مکمل کامیابی حاصل کی، وڈیرہ سوچ کل بھی وہی تھی آج بھی وہی ہے، سندھ کے لوگ ان کے خلاف نکلیں، ووٹنگ کی شرح کم کرانے کی سازش ہو رہی ہے، یہ چاہتے ہیں لوگ ووٹ نہ دینے جائیں۔انہوں نے کہا کہ کراچی کے طلبا کو جعل سازی کے ذریعے فیل کیا گیا، 11 ویں جماعت کے 70 فیصد طلبا فیل ہوئے ہیں، ہم نے نگران وزیراعلی کو آگاہ کر دیا ہے، ہمارے پاس ہزاروں طلبا کا میٹرک کا ریکارڈ موجود ہے