والد حلقے میں ریلی کی قیادت کرنا چاہتے تھے مگر پولیس نے گرفتار کر لیا، اظہرحماد کا ٹوئٹ
لاہور(کرا ئم رپو رٹر) پاکستان تحریک انصاف کے رہنما اور سابق وفاقی وزیر حماد اظہر نے اپنے والد اور سابق گورنر پنجاب میاں اظہر کی گرفتاری کا دعوی کر دیا۔ خیال رہے کہ سابق گورنر پنجاب میاں اظہر لاہور کے حلقہ این اے 129 نے پی ٹی آئی کے امیدوار ہیں جبکہ حماد اظہر 9 مئی کے واقعات کے بعد رپورش ہیں اور انہیں عدالت کی جانب سے اشتہاری قرار دیا جا چکا ہے۔
سماجی رابطے کے پلیٹ فارم ایکس پر اپنے ایک پیغام میں حماد اظہر نے اپنے والد کی گرفتاری کا دعوی کیا ہے۔ اپنے پیغام میں حماد اظہر کا کہنا تھا کہ ان کے والد حلقے میں ریلی کی قیادت کرنا چاہتے تھے مگر پولیس نے ان کے 82 سالہ والد کو گرفتار کر لیا ہے۔ بزدل لاڈلے اور خوفزدہ حکومت کے حکم پر میرے والد کو گرفتار کر لیا گیا ہے۔ این اے 129 کے کارکن اپنے اپنے مقام سے ریلیاں نکالیں۔حماد اظہر کی جانب سے اپنے پیغام کے ساتھ میاں اظہر کی تصویر بھی جاری کی گئی ہے۔
Leave a Comment