مسلم لیگ(ن)، پیپلز پارٹی سیاسی و جمہوری نہیں خاندانی ڈکٹیٹر جماعتیں ہیں، ان کی پی ڈی ایم حکومت نے 18 ماہ کے دوران عوام کا جینا محال کیا
لاہور (رپو رٹر) رہنما جماعت اسلامی لیاقت بلوچ نے کہا ہے کہ فوجی سول اسٹیبلشمنٹ کے ساتھ اقتدار کی لالچی جماعتیں ملکی تباہی کی برابر ذمہ دار ہیں۔ لاہور کے حلقہ این اے 128 میں گلبرگ، شادمان، مکہ کالونی، کینال پارک، ماڈل کالونی میں کارنر میٹنگز سے خطاب کے دوران لیاقت بلوچ نے کہا کہ ماضی کے ناکام، نااہل، کرپٹ حکمران سیاسی جھتے ملک وملت پر بوجھ بن گئے ہیں۔
لیاقت بلوچ نے کہاکہ فوجی سول اسٹیبلشمنٹ کے ساتھ اقتدار کی لالچی جماعتیں ملکی تباہی کی برابر ذمہ دار ہیں۔ انہوں نے کہا کہ مسلم لیگ(ن)، پیپلز پارٹی سیاسی و جمہوری نہیں خاندانی ڈکٹیٹر جماعتیں ہیں، ان کی پی ڈی ایم حکومت نے 18 ماہ کے دوران عوام کا جینا محال کیا۔ سابقہ حکمران جماعتیں اپنی حکومتی کارکردگی دکھانے کی بجائے نورا کشتی کا مکروہ کھیل کھیل رہی ہیں جبکہ عوام کے لیے بجلی، گیس کے بل ناقابل برداشت ہوچکے ہیں۔
Leave a Comment