عوام ہی طاقت کا سرچشمہ ہیں، عوام کا لاڈلا بنیں گے، ملتان کے عوام کی تنخواہیں ڈبل کریں گے اور یہاں کے عوام کیلئے ایجنڈا لے کر آئے ہیں۔
ملتان (رپو رٹر) چیئرمین پاکستان پیپلز پارٹی بلاول بھٹو زردری نے کہا ہے کہ ہمیں لیول پلیئنگ فیلڈ ملے نہ ملے 8فروری کو سرپرائز دیں گے۔کسانوں کو کسان کارڈ اور مزدوروں کو مزدور کارڈ دیں گے،عوام سے اپیل ہے کہ پرانی سیاست کو دفن کرکے نئی سوچ کو سامنے لائیں۔ 26 جنوری کو ملتان میں پیپلز پارٹی کا جلسہ ہوگا،ملکی حالات کو ٹھیک کرنے کی صلاحیت صرف پیپلز پارٹی میں ہے۔
ملتان میں میڈیا سے گفتگو کرتے ہوئے بلاول بھٹو زرداری نے کہا کہ اپنے نظریے پر عملدرآمد کیلئے الیکشن جیتنا ہے، ہمارے اور دیگر جماعتوں کے نظریے میں فرق ہے، دیگر جماعتیں اشرافیہ کو ریلیف اور غریبوں کو تکالیف دیتی ہیں، ہم پاکستان کے نوجوانوں، مزدوروں، کسانوں اور صحافیوں کی نمائندگی کرتے ہیں، نوجوانوں کو یوتھ کارڈ کے ذریعے بااختیار بنائیں گے۔
عوام ہی طاقت کا سرچشمہ ہیں، عوام کا لاڈلا بنیں گے، ملتان کے عوام کی تنخواہیں ڈبل کریں گے اور یہاں کے عوام کیلئے ایجنڈا لے کر آئے ہیں۔ ہم مہنگائی، بیروزگاری کا مقابلہ کرتے رہیں گے، عوام سے اپیل ہے کہ تیر پر مہر لگائیں تاکہ آپکے مسائل حل ہوں۔
Leave a Comment