الیکشن کمیشن آف پاکستان نے پاکستان الیکٹرونک میڈیا ریگولیٹری اتھارٹی (پیمرا) کے چیئرمین کو خط لکھا ہے۔
الیکشن کمیشن نے مراسلہ میں کہا ہے کہ الیکشن ضابطہ اخلاق کی خلاف ورزی کرنے والے میڈیا کے خلاف ایکشن لیا جائے۔مراسلے میں کہا گیا ہے کہ بعض چینلز پول سروے نشر کر رہے ہیں، ضابطہ اخلاق کے مطابق اس کی ممانعت ہے۔
الیکشن کمیش کے مطابق ضابطہ اخلاق کے مطابق پرنٹ اور الیکٹرونک میڈیا کو پولنگ اسٹیشن اور حلقوں سے سروے اور پول کرانے سے روکا گیا ہے، یہ سرگرمیاں ووٹرز پر اثر انداز ہوتی ہیں اور الیکشن عمل میں خلل ڈالتی ہیں۔
الیکشن کمیشن نے ہدایت کی ہے کہ پیمرا ایسے چینلز کے خلاف فوری ایکشن لے کر رپورٹ جمع کرائے۔
Leave a Comment