الیکشن صاف شفاف نہیں ہوئے تو جمہوریت ڈی ریل ہو جائےگی، چیئرمین پی ٹی آئی

پاکستان تحریک انصاف کے چیئرمین بیرسٹر گوہر نے الیکشن کمیشن سے اپنی ذمے داری ادا کرنے کا مطالبہ کر دیا۔

اسلام آباد میں پریس کانفرنس کرتے ہوئے پی ٹی آئی چیئرمین بیرسٹر گوہر نے کہا کہ بَلّے کا انتخابی نشان عوام کی امنگوں کی نشانی ہے، نشان واپس لیا گیا تو 227 نشستیں کس کے پاس جائیں گی، الیکشن صاف شفاف نہیں ہوئے تو جمہوریت ڈی ریل ہو جائےگی۔

بیرسٹر گوہر نے عدلیہ سے پی ٹی آئی امیدواروں سے کاغذات چھیننےکے واقعات کا نوٹس لینے کا بھی مطالبہ کیا۔ان کا کہنا تھا کہ کاغذات چھیننے کے 80 سے زیادہ کیسز ہیں جو عدالت کے نوٹس میں لا رہے ہیں،عدلیہ اس مسئلے کو دیکھے۔

یہ بھی پڑھیں

بلے کا نشان، الیکشن کمیشن کا پشاور ہائیکورٹ کے فیصلے کیخلاف نظرثانی اپیل دائر کرنے کا فیصلہ
عمران خان الیکشن لڑنا چاہتے ہیں، انکی ہدایت ہے آخری بال تک لڑنا ہے: چیئرمین پی ٹی آئی

چیئرمین پی ٹی آئی کا مزید کہنا تھا کہ کسی جماعت نے پارٹی الیکشن اتنے شفاف نہیں کرائے جتنے ہم نےکرائے، کیمرے کے سامنے الیکشن کا مکمل پراسس ہوا ہے، الیکشن کمیشن کے پاس فیصلے کا کوئی اختیار نہیں تھا۔

بیرسٹر گوہر علی خان نے کہا کہ کسی پارٹی سے نشان لینا اسے ختم کرنے کے مترادف ہے، یہ وہ لوگ ہیں جو ہارس ٹریڈنگ کو بہت پسند کرتے ہیں، سپریم کورٹ کہہ چکی ہے کہ ہارس ٹریڈنگ کو روکیں۔