ن لیگ کی حکومت سے پنجاب کی تعمیر و ترقی کا سفر دوبارہ شروع ہوگا،چودھری صابرمئیو

قوم کیبے یقینی و مایوسی کا خاتمہ ،پریشانیوں سے نجات دلانے کیلئے کردار ادا کیا جائیگا، رہنماء ن لیگ کی گفتگو

خالق نگر(رپو ر ٹر)پاکستان مسلم لیگ ن کے رہنماء وسماجی وسیاسی کارکن چودھری صابرمئیو نے کہاہے کہ انشا اللہ صوبہ کی تعمیرو ترقی کا سفردوبارہ شروع ہو گا اور قوم میں پائی جانے والی بے یقینی و مایوسی کا خاتمہ ہو گا، انہوں نے کہا کہ مہنگائی میں واضح کمی آئے گی اور نوجوانوں کو روزگار کے وسیع مواقع ملیں گے، چودھری صابرمئیونے کہا کہ مسلم لیگی قیادت عوام کو ریلیف کی فراہمی پر یقین رکھتی ہے،

مسلم لیگ ن اپنے قائد میاں نواز شریف کی قیادت میں حسب سابق ملک و قوم کی ترقی و خوشحالی کو مقدم رکھتے ہوئے گراس روٹ لیول پر حقیقی اقدامات فروغ دے گی اور حسب سابق ارض پاک کی بقا و سا لمیت کے ساتھ ارض پاک کے باسیوں کو درپیش مسائل ، مشکلات اور پریشانیوں سے نجات دلانے کے لئے روایت شکن کردار ادا کیا جائے گا،

انہوں نے کہا کہ تاریخ گواہ ہے کہ مسلم لیگ ن نے ہمیشہ ملک و قوم کی بقا و سا لمیت کو اولین ترجیح دی ہے،عوام کو ریلیف کی فراہم کرنے کا عملی آغاز کردیا گیا ہے۔