چیئرمین پیپلزپارٹی بلاول بھٹو زرداری نے مسلم لیگ ن کے قائد میاں محمد نوازشریف کو الیکشن سے پہلے مناظرے کی دعوت دے دی۔
سوشل میڈیا پر بیان جاری کرتے ہوئے بلاول بھٹو نے کہا کہ نوازشریف 8 فروری سے پہلے کسی بھی جگہ کسی بھی وقت مناظرہ کرلیں۔بلاول بھٹو نے کہا کہ عالمی سطح پر صدارتی اور وزارت عظمیٰ کے امیدوار ٹی وی پر مباحثوں میں حصہ لیتے ہیں،ان مباحثوں سے ووٹرز کو امیدواروں کے منصوبوں کے بارے علم ہوجاتا ہے۔
اس سے قبل ملتان میں پاکستان پیپلزپارٹی کے چیئرمین بلاول بھٹو زرداری نے ایک بار پھر سابق اتحادی جماعت مسلم لیگ (ن) کو تنقید کا نشانہ بنایا اور کہا کہ معیشت کو نقصان پہنچا رہے ہیں لیکن خوش ہیں کہ چوتھی بار وزیراعظم بن رہا ہوں۔
ان کا مزید کہنا تھاکہ لاہور سے الیکشن لڑ رہا ہوں، رائیونڈ والوں کو بتاوں گاکہ انہوں نے کیاکیا، لاہور میں سونے کی سڑکیں اور دودھ کی نہریں نہیں بہہ رہی ہیں، مسلم لیگ والے لاہور سے متعلق غلط تاثر دے رہے ہیں، لاہور میں بھی سڑکیں ٹوٹی ہوئی ہیں، عوام مہنگائی سے تنگ ہیں۔
Leave a Comment