صوبائی اسمبلی کے حلقہ پی پی 17 میں ڈرامائی تبدیلی ,فیاض الحسن چوہان کے الیکشن سے دستبردار

مسلم لیگ ن کے امیدوار راجہ حنیف ایڈووکیٹ اور تحریک انصاف نے راجہ راشد حفیظ کے درمیان کانٹے دار مقابلہ ہو گا

راولپنڈی(اے ایف بی)صوبائی اسمبلی کے حلقہ پی پی 17 میں ڈرامائی تبدیلی ، سابق صوبائی وزیر واستحکام پارٹی کے مرکزی ترجمان فیاض الحسن چوہان کے الیکشن سے دستبرداری پر مسلم لیگ ن کے امیدوار راجہ حنیف ایڈووکیٹ اور تحریک انصاف نے راجہ راشد حفیظ کے درمیان کانٹے دار مقابلہ ہو گا البتہ فیاض الحسن چوہان کی دستبرداری کے باعث ن لیگی امیدوار کی پوزیشن مستحکم ہے ،

اس حلقے سے جماعت اسلامی کے امیدوار رضا احمدشاہ ،تحریک انصاف کے امیدوار راجہ راشد حفیظ پیپلزپارٹی راجہ عامر کریم ، ٹی ایل پی سے سجاد اکبر عباسی اورجمعیت علما اسلام کے قاری کرامت الرحمن بھی الیکشن میں حصہ لے رہے ہیں ، نئی حلقہ بندیوں میں صوبائی حلقہ پی پی 17 کو این اے 57 میں شامل کردیا گیاہے جس سے امیدواروں کو پریشانی لاحق ہے ، حلقہ بندی پر اعتراض کرتے ہوئے فیاض الحسن چوہان نے پی پی 17 سے دستبرداری کااعلان کردیا ،2018 کے الیکشن میں پی پی 17 سے تحریک انصاف کے امیدوار فیاض الحسن چوہان نے 40984 ووٹ لیے تھے

جبکہ ان کے مدمقابل امیدوار مسلم لیگ ن کے راجہ حنیف ایڈووکیٹ نے 30359 ووٹ حاصل کیے تھے ، اسی حلقہ سے جماعت اسلامی کے امیدوار رضا احمد شاہ نے 8256 ووٹ ، ٹی ایل پی کے شیخ ندیم نے 3861 ووٹ لیے تھے ، اس حلقے میں تحریک انصاف نے راجہ راشد حفیظ کوٹکٹ دیاہے ، راجہ راشد حفیظ نے پی پی 16 سے الیکشن لڑاتھا موجودہ پی پی 17 ، اور اور 17 دونوں کو ملا کر بناہے ، پی پی 16 سے پی ٹی آئی کے امیدوار نے 64995 ووٹ حاصل کیے تھے

جبکہ ان کے مدمقابل ن لیگ کے امیدوار ارسلان حفیظ نے 44559 ووٹ حاصل کیے تھے ، اس حلقہ میں فیاض الحسن چوہان کی دستبرداری کے باعث ن لیگ اور تحریک انصاف کے درمیان مقابلہ ہوگا ، 2018 کے ووٹ بینک کو مدنظر رکھا جائے تو پی ٹی آئی کا امیدوار اپ سیٹ بھی کرسکتا ہے ۔