پنجاب اسمبلی اجلاس میں اپوزیشن رکن نے حکومتی رکن کو تھپڑ رسید کردیا۔
اپوزیشن رکن خالد نثار ڈوگر نے حکومتی رکن حسان ریاض پرحملہ کرکے تھپڑ مارا جس کے بعد ہاتھا پائی شروع ہوگئی۔
دونوں ارکان کے ایک دوسرے کو آوازیں کسنے پر ہاتھا پائی ہوئی۔
قائم مقام اسپیکرنےارکان اسمبلی کی ہاتھاپائی کےباعث اجلاس پانچ منٹ کیلئے ملتوی کردیا۔
دوسری جانب قائم مقام اسپیکر ظہیر اقبال چنڑ نے دونوں کو اسمبلی کی اگلی 15 نشستوں کے لیے معطل کردیا۔ ارکان کی معطلی پر اپوزیشن ممبران نے ایوان سے واک آؤٹ کیا۔
ظہیر اقبال چنڑ نے کہاکہ اسمبلی اجلاس کوئی سبزی منڈی یا کبڈی کا میچ نہیں جہاں ارکان ایک دوسرے پر حملے کریں، دونوں ارکان کو پنجاب اسمبلی کے رولز 210 کے تحت پندرہ نشستوں کیلئے معطل کردیا گیا۔
Leave a Comment