بانی چیئرمین ،سیا سی رہنما اور صحافیوں کی رہائی کیلئے قرار داد جمع

اسد قیصر نے پارٹی رہنمائوں کے ساتھ قرار داد جمع کرائی،مقدمات ختم اور رہائی کا مطالبہ

اسلام آباد(رپو ر ٹر )پاکستان تحریک انصاف کے بانی چیئرمین سمیت دیگر سیاسی رہنماؤں اور اسیر صحافیوں کی رہائی کیلئے قرارداد جمع کرادی گئی ،قرارداد سابق سپیکر قومی اسمبلی اسد قیصر نے دیگر رہنماؤں کے ہمراہ جمع کرائی ،قرار داد میں کہاگیا ہے کہ بانی پی ٹی آئی امت مسلمہ کا لیڈر، جتنے غیر قانونی مقدمات ہیں ختم کئے جائیں اور انہیں فی الفور رہا کیا جائے، قانون کا غلط استعمال فی الفور بند کیا جائے،

شاہ محمود قریشی ، ڈاکٹر یاسمین راشد، پرویز الٰہی اور عمر سرفراز چیمہ کو بھی رہا کیا جائے ،قرار داد میں مزید کہاگیا ہے کہ صنم جاوید، اعجاز چوہدری، محمود الرشید اور دیگر تمام سیاسی قیدیوں کو رہا کیا جائے، بانی پی ٹی آئی پر بنائے گئے تمام مقدمات غیر قانونی اور سیاسی بنیادوں پر قائم کئے گئے جن کی کوئی حیثیت نہیں، سیاسی انتقامی کارروائیاں ملکی مفاد میں ہیں نہ عوام کے مفاد میں ہیں،

عوام سے دور کرنے کیلئے بغیر کسی ثبوت کے یہ مقدمات قائم کئے گئے،قرار داد میں عمران ریاض اور اسد طور پر قائم مقدمات بھی فوری طور پر ختم کرنے کا مطالبہ کیا گیا ہے۔#