بانی پی ٹی آئی کی لیگل ٹیم نے دلائل دینے کے لیے عدالت سے مزید وقت کی استدعا کر دی
لاہور(کو رٹ رپو رٹر)لاہورکی انسدادِ دہشت گردی عدالت نے نو مئی جلاو گھیراو کے مقدمات میں بانی پی ٹی آئی کی درخواست ضمانتوں پر سماعت کی ، انسداد دہشت گردی عدالت نے بانی پی ٹی آئی کی عبوری ضمانتوں میں 19 فروری تک توسیع کر دی ۔
تفصیلات کیمطابق انسداد دہشتگردی عدالت کے جج ارشد جاوید نے سماعت کی۔جونیئر وکیل نے عدالت میں موقف اختیار کیا کہ بانی پی ٹی آئی کے وکیل اسلام آباد میں القادر ٹرسٹ کیس میں مصروف ہیں ۔
بانی پی ٹی آئی کی لیگل ٹیم نے دلائل دینے کے لیے عدالت سے مزید وقت کی استدعا کر دی ،عدالت نے استدعا منظور کرتے ہوئے بانی پی ٹی آئی کی عبوری ضمانتوں میں توسیع کر دی ۔عدالت نے آئندہ سماعت پر بانی پی ٹی آئی کی جیل سے ویڈیو لنک حاضری کے لیے انتظامات مکمل کرنے کی ہدایت کر دی ۔
Leave a Comment