ملتان (رپو رٹر) پاکستان پیپلز پارٹی نے ملتان سے مسلم لیگ (ن) کی بڑی وکٹ اڑا دی، سینیٹر رانا محمود الحسن ساتھیوں سمیت پیپلز پارٹی میں شامل ہو گئے، سابق صوبائی وزیر چودھری عبدالوحید ارائیں کی بھی جلد شمولیت کا امکان ہے۔تفصیلات کے مطابق پیپلز پارٹی کے چیئرمین بلاول بھٹو زرداری نے گزشتہ روز ملتان کا دورہ کیا جہاں لیگی سینیٹر رانا محمود الحسن نے سابق وزیر خارجہ سے ملاقات کی،
اس دوران رانا محمود الحسن نے اپنے ساتھیوں سمیت پاکستان پیپلز پارٹی میں شمولیت کا اعلان کر دیا۔بلاول بھٹو زرداری نے پیپلز پارٹی میں شمولیت پر رانا محمود الحسن کو خوش آمدید کہا، سابق وزیر خارجہ نے رانا محمود الحسن کو این اے 150 میں پیپلز پارٹی کا ٹکٹ جاری کرنے کی یقین دہانی کروائی، اس موقع پر سابق وزیر اعظم یوسف رضا گیلانی سمیت دیگر رہنما موجود تھے۔
ملاقات کے موقع پر گفتگو کرتے ہوئے پیپلز پارٹی میں شمولیت اختیار کرنے والے رانا محمود الحسن نے کہا ہے کہ ہمارا حوصلہ اور ہمت جواں ہے، ہمارے ساتھ ہماری پارٹی نے زیادتی کی اور ہمیں زبردستی دھکیلا گیا، ہمیں کارکنان کی حمایت حاصل ہے۔
Leave a Comment