راولپنڈی: پی ٹی آئی کے بانی چیئرمین عمران خان کی بہن علیمہ خان نے کہا ہے کہ یہ لوگ عمران خان کو ایک اور کیس میں سزا دینے جارہے ہیں۔اڈیالہ جیل کے باہر میڈیا سے گفتگو کرتے ہوئے علیمہ خان نے کہا کہ میں آج بھی مین سٹریم میڈیا سے بات نہیں کروں گی کیونکہ تین چار پلانٹڈ لوگوں کو کیمروں کے سامنے بدتمیزی کے لیے بھیجا جا رہا ہے۔انہوں نے کہا کہ میں نہیں چاہتی کہ انہیں دوبارہ بدتمیزی کا موقع ملے، ہمارے کارکن دوبارہ مشتعل ہوں گے اور گرفتاریاں ہوں گی، دو سال سے میڈیا یہاں کوریج کر رہا ہے، کسی نے بدتمیزی نہیں کی، اب ماحول خراب کرنے کے لیے پلانٹڈ لوگوں کو بھیجا جا رہا ہے، میرے اور کارکنوں کے خلاف ایک اور مقدمہ درج کر لیا گیا ہے۔علیمہ خان نے کہا کہ توشہ خانہ ٹو کیس کی سماعت جیل میں جلدی ہو رہی ہے۔ یہ لوگ عمران خان کو ایک اور کیس میں سزا سنانے جا رہے ہیں۔ پی ٹی آئی کے بانی بھی جانتے ہیں کہ سزا سنانی ہے۔
0%
Leave a Comment