ٹی ٹوئنٹی ورلڈکپ: 2 ممالک کی جانب سے کھیلنے والے 5 کھلاڑی کون؟

بائیں ہاتھ کے آف اسپنر رولوف وین ڈر مروے بھی ان کھلاڑیوں میں شامل ہیں جنہوں نے ایک نہیں بلکہ ٹی ٹوئنٹی ورلڈکپ میں دو ممالک کی نمائندگی کی۔

رولوف وین ڈر مروے نے سب سے پہلے 2009 اور 2010 کے ٹی ٹوئنٹی ورلڈ کپ میں جنوبی افریقا کی نمائندگی کی جبکہ 2021 میں متحدہ عرب امارات اور عمان میں  ہونے والے ایونٹ میں وہ نیدرلینڈز کی ٹیم کی طرف سے کھیلتے ہوئے نظر آئے۔

اس کے علاوہ 2022 کے ٹی ٹوئنٹی ورلڈکپ میں بھی رولوف نے نیدرلینڈز کی نمائندگی کی۔

ہانگ کانگ میں پیدا ہونے والے مارک چیپ مین نے 2014 میں ہانگ کانگ کی جانب سے انٹرنیشنل کیریئر کا آغاز کیا اور 2014 کا  ٹی ٹوئنٹی ورلڈ کپ کھیلا، علاوہ ازیں 2016 کے ٹی ٹوئنٹی ورلڈ کپ میں انہوں نے ہانگ کانگ کرکٹ ٹیم کے نائب کپتان کی ذمہ داریاں نبھائیں۔

تاہم مارک چیپ مین2021 میں نیوزی لینڈ منتقل ہوگئے اور وہاں کرکٹ کھیلنا شروع کی اور پھر 2022 کے ٹی ٹوئنٹی ورلڈکپ میں کیویز کی نمائندگی کی۔

اب مارک چیپ مین ویسٹ انڈیز اور امریکا میں جاری ٹی ٹوئنٹی ورلڈکپ کیلئے نیوزی لینڈ کے اسکواڈ کا حصہ ہیں۔ 

اس فہرست میں اگلا نام ڈیوڈ ویزا کا ہے جنہوں نے 2016 میں کھیلے گئے ٹی ورلڈ کپ میں جنوبی افریقا کی نمائندگی کی تھی جبکہ اب 2021 کے ٹی ٹوئنٹی ورلڈ کپ میں وہ نمیبیا کی طرف سے کھیلتے ہوئے دکھائی دیے۔

اب امریکا اور ویسٹ انڈیز میں جاری ٹی ٹوئنٹی ورلڈکپ میں بھی ویزا نمیبیا کی ٹیم کا حصہ ہیں۔

ٹی ٹوئنٹی ورلڈکپ میں 2 ممالک کی نمائندگی کرنے والے کھلاڑیوں کی اب تک کی فہرست میں آخری نام بائیں ہاتھ کے آل راؤنڈر کورے اینڈرسن کا ہے۔

کورے اینڈرسن نے 2014 اور 2016 کے ٹی ٹوئنٹی ورلڈکپ میں نیوزی لینڈ کی نمائندگی کی۔ اس کے علاوہ انہوں نے 2015 کا آئی سی سی ورلڈکپ بھی کیویز کی جانب سے کھیلا۔ 

تاہم 2021 میں کورے اینڈرسن امریکا میں چلے گئے اور وہاں کرکٹ کھیلنا شروع کر دی اور اب وہ امریکا کی جانب سے ٹی ٹوئنٹی ورلڈکپ کھیل رہے ہیں۔