نیشنل ایکشن پلان پر عمل کرکے دہشتگردی کی نرسریوں کو تباہ کرنا ہوگا،چیئرمین پی پی
اسلام آباد(رپور ٹر)چیئرمین پیپلزپارٹی بلاول بھٹو زرداری نے شمالی وزیرستان میں چیک پوسٹ پر خودکش حملے کی مذمت کرتے ہوئے لیفٹیننٹ کرنل کاشف اور دیگر جوانوں کی شہادت پر اظہار افسوس کیا ہے ،اپنے ایک بیان میں بلاول بھٹو زرداری نے کہا کہ نیشنل ایکشن پلان پر عمل کرکے دہشتگردی کی نرسریوں کو تباہ کرنا ہوگا،افواج پاکستان کے آفیسروں اور جوانوں کے قاتل ملک اور قوم کے دشمن ہیں ناقابل معافی ہیں، قوم اپنے بہادر سپوتوں کو کبھی نہیں بھولے گی ،شہداء کے قاتل دہشت گردوں کا مکمل صفایا ہی شہداء سے وفا اورانصاف ہوگا۔
دوسر ی جانب ممبر قومی اسمبلی ڈاکٹر مہرین بھٹو نے شمالی وزیرستان میں دہشت گردوں کے حملے میں شہادت نوش کرنے والے تمام جوانوں کو سلام پیش کیا ہے ،انہوں نے کہا کہ دہشت گرد اپنے عزائم میں کبھی کامیاب نہیں ہو سکتے،پاکستان فوج نے ہمیشہ دہشت گردوں کا بہادری سے مقابلہ کیا اج بھی جوانوں نے دہشت گردوں کو منہ توڑ جواب دیا،انشاء اللہ پاکستان جلد اس دہشت گردی اور دہشت گردوں سے چھٹکارا حاصل کر لے گا،پاکستانی عوام ہمیشہ پاکستانی فوج کے ساتھ کھڑی ہے۔#
Leave a Comment