ابتدائی طور پر ایک ماہ کے بجٹ کی منظوری لی جائے گی ، موجودہ بجٹ کی مدت 29فروری کو ختم ہو جائے گی جس کے بعد ایک روپیہ بھی خرچ کرنا غیرقانونی ہو گا، صوبائی محکمہ خزانہ
پشاور(رپو ر ٹر )خیبرپختونخوا کی نگران حکومت نے آئندہ 4ماہ کا بجٹ تیار کر لیا،محکمہ خزانہ احمد رسول بنگش کے مطابق بجٹ یکم مارچ سے 30جون 2024تک کیلئے تیار کیا گیا ہے جس میں4ماہ کے بجٹ کا تخمینہ 560ارب روپے لگایا گیا ہے،محکمہ خزانہ کی جانب سے بتایا گیا کہ ابتدائی طور پر ایک ماہ کے بجٹ کی منظوری لی جائے گی کیونکہ موجودہ بجٹ کی مدت 29فروری کو ختم ہو جائے گی جس کے بعد ایک روپیہ بھی خرچ کرنا غیرقانونی ہو گا،
محکمہ خزانہ نے بتایا کہ روزمزہ کے امور چلانے کیلئے کم ازکم ایک ماہ بجٹ کی منظوری لازمی ہے، نگران حکومت نے 2بار 4، 4مہینوں کے لیے بجٹ کی منظوری دی تھی، بجٹ تیار کر کے منظوری کے لیے کابینہ کو بھیج دیا گیا ہے، یہ کابینہ کا اختیار ہے کہ 4یا 1مہینے کے لیے بجٹ کی منظوری دے، مستقل حکومت آئے گی تو پھر وہ بجٹ منظور کرے گی، فی الحال معمول کے امور چلانے کے لیے بجٹ کی منظوری لازمی ہے۔
Leave a Comment