سپریم کورٹ میں 8 فروری کے انتخابات کا لعدم قرار دینے کی درخواست سماعت کیلئے مقرر

سپریم کورٹ کے چیف جسٹس قاضی فائز عیسیٰ کی سربراہی میں 3 رکنی بینچ 19 فروری کو سماعت کرے گا

اسلام آباد( رپو رٹر) سپریم کورٹ میں 8 فروری کے انتخابات کا لعدم قرار دینے کی درخواست سماعت کیلئے مقرر کر دی گئی۔ سپریم کورٹ کے چیف جسٹس قاضی فائز عیسیٰ کی سربراہی میں 3 رکنی بینچ 19 فروری کو سماعت کرے گا، جسٹس محمد علی مظہر اور جسٹس مسرت ہلال بینچ میں شامل ہیں.

درخواست میں اہم آینی وقانونی سوالات اٹھائے گئے ہیں۔فریقین کواطلاعاتی نوٹسزبھی ارسال کردیے گئے ہیں۔واضح رہے کہ علی خان نامی شہری کی جانب سے یہ درخواست 4 روز قبل پیرکو سپریم کورٹ میں دائر کی گئی تھی، جس میں وفاقی حکومت اور الیکشن کمیشن آف پاکستان کو فریق بنایا گیا تھا۔

اس میں استدعا کی گئی کہ 8 فروری کو ہونے والے انتخابات کو کالعدم قرار دیے جائیں اور 8 فروری کے انتخابات کے نتیجے میں حکومت بننے کے عمل کو روکا جائے۔درخواست میں مزید کہا گیا کہ عدلیہ کی زیر نگرانی 30 روز میں نئے انتخابات کروانے کا حکم دیا جائے اور دھاندلی، الیکشن فراڈ کی تحقیقات اور ذمہ داروں کے خلاف کارروائی کے احکامات دئیے جائیں۔#